Lamb4ever

(當日店員話: 你好難得先睇到佢地咁齊整一字排開嫁。...  貓...仿佛你餵飯比佢而佢肯食你的飯都係一種施捨。)

有次行銅鑼灣經過望上去見到呢間cafe，一直都念念不忘。今次同小匡去睇了 :D (第一次與他去貓cafe 喔)

呢間cafe 有14隻貓貓，空間比其他cafe 大，而且d貓好定。(雖然都係懶洋洋的，但係佢地唔驚人，而且企定定同你影相或者比你摸喔。)

當日得我地兩個客人，臨走先黎多兩個男的。因為不設餐飲的關係，得一個店員在場，而且佢完全唔干涉客人點樣同貓貓互動，感覺好自由，而且係比客人的一種信任喔!! 反正貓貓最有性格，牠不喜歡的話怎會讓你捉住或者摸，嘻嘻。

(全店有個大玻璃屏風隔開兩個範圍。一入去就係出面除鞋同洗手，睇下有咩商品賣。然後就入去睇貓貓了。整間店花左頗多心思裝修喔!!!)

(有特色民俗風小貓擺設)

塊布好CUTE !!!

(場內有好多好高好大的貓玩具同樓梯比佢地玩，不過冇咩貓真係會上去LOL 隻隻豬咁懶。)

入去見到好多係哂門口，以為佢地等緊你。

不過對住貓就真係咪咁多幻想好D，我之後發現佢地就係鍾意望實門口唔知等咩LOL

因為有14隻貓貓都算多，逐隻同佢地影相集郵先~~

呢隻暹羅貓比較嗲嗲，自己走上我腳。原來呢種貓係泰國被稱為Wichien-maat，有「月亮鑽石」的意思。佢隻藍眼睛真係鑽石咁靚。

​

第二隻係薑黃色的貓貓。好懶訓，全程都訓係個cushion 度。

第三隻個頭有好似八字眉咁的紋，面豬仲有一點灰色。店員話佢有八婆墨哈哈。​​

小匡發呆的樣被拍下了，超可愛lol

呢隻同八字眉個隻係兩兄弟喔 ! (右邊有隻小屁孩臭臭的面入鏡了LOL)

之後呢隻係我同小匡都覺得好靚好高貴的一隻金吉拉貓。去到邊都好鍾意金吉拉貓，d毛同佢地個樣仔真係好吸引。本身佢好似有d神經質，好驚青咁，不過之後訓係枱就定d了。

哈哈，帶了貓貓去貓cafe，佢好開心咁 yeah

第3同第4隻合照lol (點解貓d樣仔硬係咁不悅，左邊幾臭面哈哈，樣好似愈唔鍾意就愈可愛。)

第5隻好似獅子。個樣太霸氣，同佢冇咩交流LOL

​​

第6隻，白色的典形富貴貓喔。但樣子不算可愛，冇點理佢LOL (以貌取人同貓的琳琳)

之後呢隻好可愛，雖然唔鍾意扁面貓，但係呢隻黑白又幾得意。佢好似紳士仔，好鍾意交差手咁坐，D貓d奇特個性同動作真係好搞笑。

(睇佢幾似校監，企得幾架勢。)

幾架勢都冇用，我會整你面豬。

幾架勢都冇用 x 2 ，我會壓住你。

(lol，佢比我程起左，原來勁輕。冇哂d毛應該得棚骨lol)

之後呢隻睇落真係幾分似忌廉哥。眼仔面仔都圓碌碌好得意。

本身佢自己一隻係屏風後面，偷望入黎真係超得意。

不過原來佢勁惡，逢親見到其他貓都噴哂氣個種嘶叫。放佢自己係屏風後面有原因的原來。

仲要其實人地完全冇踩親佢條尾LOL ，係完全冇做過任何野都比佢打。

不過我明的，同人一樣，有D人犯的錯就係因為佢地存在。見佢前面憎佢後面。

其餘冇乜交流的有以下幾隻~~~

(呢隻成日伸利仔出黎，再報以一個終極仇視的眼神。好得意LOL 望住佢仿佛看透人生百態。)

(其實你有冇諗過寬容少少唔洗死嫁?)

咦?! 得11隻ge喂 lol 影少左tim lol

-_- 當日打卡可以有兩張POSTCARD送，係佢地貓貓樣黎。拎住--> 放低---> 著鞋---> 留低左冇攞.................................................................................................................................................................................................................

cafe 冇野食，所以又食呢間富士山55了。今次叫濃湯原來質地口感豐富過清湯超多，好好味!!!!

睇貓自然就鼻敏感，但係鍾意。喜歡佢地的得意樣就緊的了，但更鍾意佢地的性格。

佢地實好好奇人類究竟諗咩，竟然比錢去睇佢地點樣訓覺 / 如廁/ 進食/ 呼吸/ 生存 ，同埋比佢地盡情無視你。

貓太厲害，又串又自我又性情飄忽又冷淡又鄙視但都咁得人鍾意。

咦，咁似我ge?

(未設定內容)