Lamb4ever

那天我們去海遊館喔

前一晚特登計劃一下今天的行程。因為是旅程的尾二一天了，係時候將d 未去的鋪頭同shopping 為主的地方好好去一下。

我就將事前想要的係旅遊書mark 低，之後小匡再將所有地方的地區整理下，睇下點樣去的次序係最順路~

現在想起來，發現整個旅程真的不錯，想去的都去了，想食的種類都食到

同 事前plan 的冇咩出入，最大的差別只是出發前控制不到的delay

嘩，如此一說其實太值得鼓舞了lol 不錯不錯!!! 加上所有同行的人的冇所謂性格做就了這順利~~ 叻~!

這張飛很可愛。它很有用的，可以入館之外仲免費搭車遊大阪一天呢~

酒店的格離有便利店，每天都吃那兒的三文治做早餐，有天吃了mcdonald，今天吃關東煮

雖然很普通，但個人對關東煮那條魚蛋有特別的情意結LOL 

我諗唔係心理作用，而係日本的野質素比較有誠意，所以三文治又軟熟d，mcdonald又炸得好味d 哈哈

起碼唔會有貼錢買難受的情況，亦唔會有比錢人賺都要受氣的感覺

香港到處都係呢d情況-_-  有時諗，日本唔係特別好，況且未完全真正係個到生活過，暫時體會到的最多只係叫合理。

有時要求很基木，只係想遇到正常人同被他人合理對待。但香港遇到的普遍是異常，歪理同病態。

係香港d商場有時聽到日文覺得好親切，呢種反應是可悲的。處處以家鄉比較外國，繼而慨嘆香港可以差成點的行為也是可悲的。

冇計啦，自己人自己地方唔爭氣。

日本的主題樂園或者特別多旅客會去的地方都唔會特別用英文或國語去遷就人。其實很對啦。

作為旅客，有時當然覺得有更多英文廣播會更好，但係其實你唔識唔懂咪唔好去人地地方囉，點會要求人地去方便你嫁，下下咁咪好唔得閒

唔怪得香港咁唔得閒。

好多事的運作其實離唔開邊個求邊個多d，

有求於人個方冇聲出就緊嫁啦，人地對你好d的咪會主動幫下你，但有求於人個方絕對唔可以當人地咁做係應份的。

但係香港地的情況大多是相反哂的。

呢度最重要的就是右下角呢條鯨喔~ 人地車飛都畫左呢條做主角~

一入去就有左上角假的比人影，是個條最重要的鯨喔~

呢個水族館一入到去會好興奮，但行行下發現只係由淺到深水咁睇同一個缸就開始有點解行極都未完的埋怨lol

左邊這條真的很神聖lol

行到呢個位好開心，因為終於行完。呢到有個位可以比人摸某幾種海洋生物，但係我地完全冇興趣lol

我地4個好似，好多地方去過就算，完全唔會深究，又快厭同累。lol 好彩大家都似同夾。

然後去食璣丸水產喔! 前幾天晚上排過兩次都係咩都sold out，今日中午去終於有得食，哼!

燒蟹膏就咁食都冇咩，但配蟹肉炒飯食好味更多~~ 燒海鮮好味，但易燶，又唔知應該燒幾耐。過程中心情會好忐忑lol

那個雪糕是波子汽水味，喜歡它像沙冰的口感。

飽飽後去逛街~

這家是我一定要去的~alice on wednesday喔~ 門口理應很細但怎麼我站在旁顯得不夠大反差-_-

入面好靚但好暗~ 我影自己呢幅前差d見唔到呢到成塊是鏡 -口-" 差點撞...

不過呢，雖然好多野好靚，但又冇咩太多想買

之後去了disney store，今次冇去東京迪士尼，唯有行呢間

我仲去食左呢個值得一試的gram~ 爸媽唔肯特登等，去了逛街，

呢間野每日得3個時段有30 份限量的超厚厚pancake，我地排18:00 那個~

但17:20 個陣我地已經係排第7個~

六點再黎的人已經冇得食lol

於是入去叫左個french toast 食住等18:00

不過呢，竟然覺得個french toast 仲好味過限量個個lol 

超軟綿綿同甜度好適中~ 旁邊那pat cream 很好味，唔會太空氣但又唔油膩，好中意!!!

個個限量豬其實好得意，三舊厚厚的又彈彈下，好似cushion~

但係冇我想像中咁軟綿綿，比較似麵包，但我想要的口感係介乎sponge cake 同梳乎里中間的軟熟

尖沙咀k11 那間pan cake 有個反而做到這效果~

晚上同爸媽分開吃，所以我地又食左金龍lol 

再食左幾舊呢d 叫完先整的壽司，冇咩特別

反而個sake好特別。首先，我第一次飲熱的酒

然後，飲落完全唔刺喉，又唔攻鼻，又唔難飲 (係純酒精味lol )。一啖酒好似含住變左團氣咁，吞完就直入丹田咁暖出黎

(lol，好似形容得太怪，但也很貼切)

未試過飲咁樣的酒，太孤陋寡聞了lol 

最後睇下買左咩。其實係日本的購物慾好似遠遠比不上香港lol 唔知點解

值得一提的係我對藥妝店完全零興趣LOL 可能我好怕入面有數之不盡完全睇唔哂的感覺

好大壓逼感LOL，我入去行主要係因為我唔記得帶mascara的卸妝水lol 個日又係唯一一日食飽冇野做搽左，所以先要買。哈哈