Lamb4ever

久唔久又會想整理下自己有咩思想要進化，感恩自己有呢一點.

每段關係都有值得反思的地方, 一定有的, 你未搵到姐

今次分手亦然.

最大反思必然係, 以後身體力行拒絕再立即與人展開情侶關係

而更深層的體會係, 請務必學懂與孤單為伴。

只要你學懂擁抱寂寞, 基本上你唔會再以呢樣為原因去拍散拖, 其他相繼發生的問題就避免得好D

因為我深徹明白到，其實拍拖都唔會減少左孤單寂寞感

有人physically陪住先好dd的話, 呢個現象好病態

什至有人physically陪住時都寂寞, 咁好可悲

一定一定要面對接受同歡迎寂寞, 克服對佢的不安感, 你就會長大

從來我唔係怕自己一個, 我係怕拍拖後的自己一個

我好似assume左拍拖就一定係成日見, 朝見口晚見面, 一唔見就judge對方judge個關係, 一唔搞野就不安, 其實我從來惶恐的係拍拖之後的反差

拍拖前好似點自立都好合理, 搵到位體諒對方的忙同無視, 但拍拖後好似容許唔到半點呢d現象, 對我黎講, 拍左拖就唔同啦, 應該痴實咁

究竟, 點解我會咁諗, 或者, 點解咁諗唔得, 不過現實教識我唔好再諗點解, 而係唯有不明不白地接受, 拍拖後其實同拍拖前唔會有大分別, 

都市人總要各有各忙去搵錢, 去徒勞無功地生活, 唔係每個人會以你觀點去重視相處時光而願意擠出時間.

所以, 大概我需要的未必係戀愛

而係與一個人同居, 相伴

...

以前同皇上一齊到, 大概係因為日日番學會見

以前同isaac一齊到, 大概係因為同居時日日見

同皇上分手, 大概係因為分隔兩地

同isaac分手, 大概係因為未玩夠

係, 我只會認呢兩位做ex, 因為我畫到你兩個, 畫到一個人對我黎講意義好大, 因為我畫畫唔叻, 要憑感覺同用心去做, 畫到=我對你真係唔同

-

大概25歲最先要學的野係, 完完全全面對寂寞

要接受相處唔一定只限於面對面, 雖然我真係好需要呢類相處, 但現實唔容許

你唯有明白, 拍拖後相處係有8成時間講緊見唔到, 同未必傾講到

所以我覺得, 都係唔拍住

未搵到人有時間係身邊陪我, 或陪我text, 我情願單身

我真係體諒唔到拍左拖都寂寞

-

一路走來, 自問終於戒掉左爛玩性格, 而家終於唔再有興趣衝出去同人飲酒亂一夜情

終於識盡力愛自己, 絕不受半點委屈

終於願意去明白寂寞的必然性

終於肯沉澱下自己, 放慢節奏去認識下人, 唔好再因為想搵個人挨下攬下錫下搞下而拍拖

老實講, 你想咁咪照做, 又唔一定要拍拖姐, 又唔一定要內疚令人誤會既, 你情我願就ok

互相關心的感覺比拍拖窩心, 因為你對對方冇期望

所以即使我真係好想同到佢一齊, 我都係覺得唔好做d咩算了

卻步的理由太多