Lamb4ever

雖然之前話唔想去，不過都係去左睇誠品的膠紙卷展覽。哈哈，全場很粉嫩，很治療而且用作影相的背景很不錯。幸好我對大展區那種一間間display房子比一卷卷膠紙有較大興趣，不然又會亂買一堆唔會開黎用的膠紙。(好彩唔太寫schedule，也不喜歡裝飾notebook，完全沒亂花錢在膠紙上很大自豪感lol 因為要琳琳找到完全零購買意慾的東西很難得...)

上圖呢間房仔好有needlework 的感覺，很喜歡，想把房子裝飾成這樣。(每見到靚靚的擺設同設計就想自己房都那樣，有幾多房子才行 :(  )

(這個如果用粉綠色代替螢光黃會更好)

（很興奮的樣子，因為後面的粉藍色我很喜歡。） 

一整晚看膠紙都在WE ＷＡ鬼叫，因為我見到得意野/ 靚野/ 可愛野（基本上任何野）我都中意用怪聲大叫 :D 好彩今日少人，不過多人我都唔會收斂ＬＯＬ

其實被人拍會很不自在，因為覺得d路人會奇怪你影緊個到有咩好影，又怕人地望住，一咁諗就笑得生硬又好不自然又好尷尬，所以出到黎的相都大多不滿意。呢D唔望鏡頭或者傻笑的最合意。

比較愛自拍呵呵呵。

今日看幕後玩家(其實沒大關係)想起: 其實每個人，特別係女仔，要有自知之明同清楚自己的資格吧，對方肯聽你的從你的意思有時只係因為喜歡你，而實際上唔係因為你特別尊貴或者有說服力。人最忌就係唔記得左呢點，慢慢把對方的遷就看成必然，看成係因為自己有超然的吸引力而對方甘心死心塌地聽從。冇錯，當他仍然愛就真係咁。但係視任何野為必然最終都較易令對方冇咁愛或者唔再愛，到時就冇人會再咁順從你任何意思的了。所以總覺得好多事需要收放自如，適可而止。(LOL 說什麼起來了?)

可以用膠紙痴一個月曆出黎一格格咁紀錄野

(唉唷哥基仔同北極熊好得意!!!!)

(碎花控的我也很喜歡這個，何況是粉紅色。)

(兔兔很可愛)

今日穿這些。特登著粉色系同戴很有膠紙帶印花感覺的頭巾去的。有很可愛的粉綠色同埋小鵝圖案。

(來一個頭巾的CLOSE UP, 髮帶購自PINKOI的一間叫ALMA-HANDMADE。)

Pinkoi 平台的手作品真係目不暇給，真係好鍾意。LETTERWORDSHOP 都係係呢到認識的，買過它的紋身貼，也是店主手繪的很不錯。不過本身很便宜的手作如果從台灣或泰國寄來港，運費就不少了。

不把pinkoi 放在桌面比較好，太易想買野了-_-

(話說近日很喜歡心口針，領扣或者頭帶。其實我對事物突如奇來產生的興趣同需要的新鮮感可以低D就好。不停有新的野想要是病態。)

呢個心口針要講講喔，係間叫 (ig/ FB) letterwordshop 的小店搞活動送出的小禮物，有三個名額，我有幸被抽中還得到這款我比較中意的心口針。

上面印住DO WHAT YOU LOVE WHAT YOU DO。我係打一個難忘的旅遊經歷而獲店主選中為得獎者的。佢特意寫左張postcard比我講點解揀我 (咦，原來不是隨機抽，即是真的我故事太讚)，同埋希望我繼續敢做敢愛。 其實寫postcard比熟人已經唔知寫咩，佢寫比個唔識的都可以寫滿，仲要張postcard又係手續可供發售的自家出品。 真有心。 

DO WHAT YOU LOVE, 看似是夢想。

LOVE WHAT YOU DO, 看似是為追不到夢的人準備的一句安慰。

11月了，我生日的月份喔!!!! 我就說過麻如果11月沒有了我的生日，整個月曆就從此沒有11月存在的意義，地球不運行的啦。