Lamb4ever

(呢個燈箱仔正喔，上面D字可以隨意轉動。用黎裝飾房間非常唔錯，唔知邊到有得賣呢:( )

呢間食店位於旺角山東街50號，本身訂左位的不過遲到要從身排 :( ，不過豬仔包好細心，又驚我餓，但又知我想試，最好就食住魚蛋燒賣等位啦嘻嘻。

呢間餐廳有提供電話app 比食客行住街都隨時睇到等位情況，未攞飛的又可以用app 攞。對於都要等比較耐位的餐廳，呢d app 確實討好。

(呢杯飲品有我最鍾意的綿花糖，仲要係粉紅色!!! 一定要試下!不過入面原來仲有爆炸糖，其實都算略甜。見佢話客人每叫一杯都會捐$5 比乳癌基金會就算吧哈哈)

(薯條夾雜蕃薯薯條，我倆都喜歡馬鈴薯多d 嘻嘻)

豬仔包點左呢個龍蝦同薯條，我就揀左因為佢而黎的macncheese。

唉也真係有d失望。其實比較鍾意macncheese用細細粒的通粉配冒煙而且緩緩流動的芝士濃漿。但係佢用長通粉，仲要因為碟太細通粉太大的關係，未能夠用芝士蓋住黎焗，令通粉變得又乾又硬。我更懷疑其實究竟有冇落芝士嫁 :( 食唔出而且只見到芝士粉。本身期待拉出芝士絲的麻，失望 :(

不過可能我錯focus，呢間野應該主打lobster 的。肉都係一向的龍蝦的標準，沒多沒少吧。但係食店冇安排拆龍蝦的夾喔，唯有靠牙咬碎同耐心地挑吧。