Lamb4ever

 荃灣鱟地坊30號寶成大厦1號地舖 的江湖小棧。

呢間野都係入到去先知原來好多金庸武俠小說的佈置，睇黎店主係fans黎。

我中學的時候都好鍾意睇金庸d書，雖然睇完都唔太記得睇過邊本，又唔記得當中的情節，但睇的時候係好入迷的。

上網睇一睇d書名，原來我睇過書劍恩仇錄，射鵰英雄傳，神鵰俠侶，雪山飛狐，飛狐外傳，倚天屠龍記，天龍八部，笑傲江湖同埋鹿鼎記。

每次睇完一套，就好興奮lol 因為對我咁冇興趣睇書的人黎講算好神奇的了，竟然會坐定定睇完厚厚的。

而且，真係好引人入勝。成日覺得d作者點解咁勁，作得出咁好睇的故事之餘，竟然記得邊個角色死左就唔好再寫番lol

menu 黎LOL

呢到除左煲仔飯豉油外，仲會提供豬油(用寫住vinegar的樽裝住lol) ，好香好好味。

(馬拉盞牛肉係飲食男女的推介喔)

黎過食兩次，暫時兩次的飯焦都keep 到水準，好脆夠乾身唔痴牙

實在真係好過廟街最出名個間好多!

唔知點解去親呢度都會同人傾得特別耐，大概係餐廳唔趕人又過左最多人的時候，由得我地坐好耐都得真好。

傾下屋企又傾下人類LOL 咩都傾冇定向咁

其實如果大家都有共嗚又岩咀形的話，個對話係可以對個關係好有營養的。

好多人都相對無言，或者生活上太多煩事令人唔係好想傾計咁

好幸運搵到個傾得埋又鍾意大家的人，更幸福的係大家諗野好似，由最初相識到而家，都仲係咁覺得。

總覺得傾計傾好的事好易，相處過開心的日子好易，但有問題時傾唔好的事時，好多人就卻步。

原來冇咩人中意講明明大家都明的事實出黎，唔願意講最貼地最人性的事出黎。

朋友係會講最難聽個堆事實出黎，同你分析究竟你有幾差，同你一齊解構其實大家有咩連自己都唔知唔敢面對的個面出黎。

大概朋友係咁。LOL

而且，最重要的係雙方一齊咁。而唔係有一邊係咁覺得對方講中哂但自己卻完全為對方做唔到咁的效果。

保持最開通的思想，將心比己，加上關切對方的心思，再用淺白直接的言語，就做到了。

當日大概是這樣打開對方的心的。

現在大概也是這樣排除萬難繼續走。

除左煲仔飯外，煲仔菜都超好味。

花甲煲

 花螺~

好中意食呢D貝殼類煲，用竹籤好麻甩咁liu同啜好快活。於是會飲掉成枝大啤酒LOL