Lamb4ever

本身經agent買酒店飛比廣告宣傳的貴好多，又話冇得由屯門上船，諗住唔去的了:( 

點知搞掂了~! 雖然又再貴d lol 但好想去住酒店麻~~~~ 

搭去的呢程船好平穩好舒服，反而回程就好焗

今次第2次澳門，其實冇咩想睇，只係想係番工前去個近又短的trip lol

對於係香港都住下酒店hea下的我地黎講，得閒住下澳門係好的。

假期唔多就唔到冇問題，有chill的心係邊都渡到假lol

講真，如果番工攞假去個令星期再開工的旅行其實冇休息的感覺lol  趁未開始要盡情搵休息的感覺

媽是小孩

一到就去威尼斯人食葡撻

雖則冇咩地方要睇，但2日的行程總要plan 的。琳已經搵好~

這個呢就冇特別啦，純粹要食下的，唔夠熱。但竟然比我地搵到位坐哈哈

蛋汁份量好厚，但竟覺得kfc的夠甜好味d lol

真的威尼斯其實都唔係真係好值得去lol

其實exchange係咪唔應該去太多地方，因為會令自己第日有錢有時間會想揀未去過的地方去下先，

但實則exchange時的見聞又太淺，但又真係叫踏過隻足落去lol 唉好矛盾，結果總係唔會重新去多次已去過的，咁就好似浪費了一個地方咁

就好似我呢世唔多想再去悉尼一樣lol 咁又浪費左一個大好地方了

對一個地方的主觀印象蓋過了一個地方的本質價值係可悲的，但我就是會這樣運作

最後發現可能只有香港呢個地方又可恨又可愛

好說遠了，我是想話澳門的旅客區酒店位真係可以有幾金有幾金，有幾大得幾大

有品味地低調高貴係必需的，但我唔太中意絕對的奢華。只不過澳門又金又壁又輝又皇的地方真係好令人嘆為觀止。有種 洗唔洗喔?  的感覺

可想而知大陸人有幾開心，咁金LOL

第2日我地住酒店會更多呢種體會，到時再打多次先lol

去完威尼斯人賭完一陣，我地去 龍環葡韻住宅式博物館

幾滿意自己的安排lol 行程好順暢

媽幫我影自戀相

影完行幾行去食飯，岩哂

穿過博物館的另一端，其實就是官也街~ 去誠昌飯店先。

四個人正好食一盤蟹粥~超夠味又唔咸~

呢個螺的汁超野味真係好好味LOL

呢個墨魚丸併鯪魚球好好味LOL 冇野好講個墨魚丸唔粉但墨魚唔夾硬一粒粒死塞入個丸到，軟同咬口岩岩好~

本身就諗住係對面搭巴士過議事亭前地、大三巴景區、澳門博物館、民政總署大樓、玫瑰聖母堂呢堆標準野的，

仲諗住自己搵到個站好叻，點知等左3分鐘大家話搭的士LOL

好的。

我唔明d人行上去做咩，反正都影唔到lol

澳門冇人的話係好美好的lol

琳一直喜歡華而不實的，但有時好公平的姐，下面的所有比酒店刻意營造的更美 

熱到就傻去左冷氣店同污糟士路比合照

本身想搵榮記豆腐 但冇開LOL 食左第間雙皮奶

其實唔知出名在咩，唔覺得好味但總係食LOL

之後唔覺意行左入條唔知咩街LOL 但應該係住宅區黎。

感覺樸實好多。

但沿路又不泛後期加上的油畫裝飾~

轉入去呢度好靚!!!!

幸會喔百萬富翁~ 好高興話你聽而家一百萬以至幾百萬係買唔到樓嫁~

媽媽是小朋友2

呢堆鋪頭好新又特別 算係意外收獲呢!

英倫風喔~

之後仲見到間專賣杯麵的店。究竟如何維持LOL 

小匡買左個，好高興發現特別版杯麵係貴過茶記普通一個lunch嫁可以-_-

之後跟行程去左澳門戀愛巷13號的戀愛．電影館

粉紅色的喔!!!!!!!!!!!! 勁多人影

小匡熱到有點呆，但唔會炆曾仲係咁幫琳搵d地方點去，好叻哈哈~~

最後先5點幾我地就去食晚飯了，因為實在太熱太累。

我地特登食 陶陶居 ，好想試雞煲翅喔~

真係好多翅lol 滿滿一口好爽

呢2隻瀨尿蝦超大!!!! 完全同陳根記的size冇得比!!!!!

服務超好，幫我地搣好唒仲勁完整~!!!

一般都覺得瀨尿蝦係難咬難肉出黎的，而家又易又大舊好受寵若驚LOL

點解澳門服務業的人好似面冇咁黑，態度又正常D咁

BB鴿好軟滑~

呢碟牛柳琳到好不得了~ 超好味的一餐飯!!!!!!!!!!!!!!!!

仲要個生果盤好有誠意LOL

究竟係香港好的店都愈來愈HEA定呢度中上?LOL

之後爸媽就搭船番香港了~