2015年生日去左住迪士尼酒店慶祝後,就冇去過呢度喇~
以前有過兩年annual pass就狂去,但太密又好厭。結果發現好似而家咁年幾兩年去一次係最享受的!!!!
天氣超好喔~迪士尼總係好天時比其他市區更好天~
因為復活節而係spring carnival theme,周圍都好多角色的easter egg同埋周圍裝飾的color tone好靚!!!!
呢個花球見到已經心醉~見唔見到隱形米奇!!!!!!!!!!!!!! 唔通刻意的?!
成個花花涼亭靚到不得了好鍾意!!!!!!!!!!
一入場就撞正影相喇yeah 隊唔算長~第一次同gelatoni合照!!
雖然已經唔知黎過香港迪士尼幾多次,十次? 但係今次特別多第一次,因為近年新的角色同iron man 區未玩過!!
所以即刻玩左新野先
呢個睇iron man救香港幾好玩,畫質比4d米奇好好多,而且算刺激(可能第一次玩新鮮感滿滿!)
本新以為有個位係睇iron man 展,明明記得好似有的,點知去左呢個等左成30 mins 竟然係同iron man 合照lol
幅相仲影到超奇怪-_-
因為呢個巴斯光年星際歷險就拆,今次可能最後一次玩了~特此記下~
明日世界呢度好多變化,幸會史迪仔變左meet bb-8 ,上面呢個又會拆,iron man 又黎左,連space mountain 都變哂star war 元素,狂播佢首歌同成個遊戲背景變到同巴斯光年零關係
-_-.... 雖然播star war 歌好似真係夾左,但唔太鍾意得番迪士尼新收購的marvel 同star war野
而家d相blur埋 逼你買,仲要個blur位會左至右飛過等你電話都難偷影 :(
冇啦啦竟然最先玩哂明日世界的野~ 係個個區食埋野
之後幻想世界係琳的最愛呵呵~
發現好多蛋但只影了呢個,因為位置好唔起眼
連呢個園區都有第一次呢!!!呢個童話園林係新嫁!!!!!!!! 雖然簡簡單單只係入去行,但琳超鍾意,每個位都好靚可以影好耐LOL
例如櫈可以影~其實如果呢D野係街係唔會覺得好靚,但迪士尼樂園的魔力係令你覺得所有野都夢幻心醉
由細到大好鍾意迪士尼或想做公主個D屁孩 (琳兩者皆是) 就會明係如何的飄飄然~
呢度的拱形草太美LOL 其實很平常但入到黎咩都有tinker bell 閃粉點綴過咁,會完全投入同陶醉
成日覺得當然可以對此反白眼lol 但我地唔會做到朋友~woohoo
其實呢度係睇呢d~ 有d手柄比遊人上鏈然後呢d野就好似音樂盒咁~
好美,想在家整一個報時~
然後晚黑其實會被嚇死lol 所以一切只係觀點與角度
但係始終唔太喜歡對迪士尼卡通零概念的人入場,這個聖地般的地方其實唔應該有錢就入得~
白雪公主許願池入面勁多硬幣lol
小小世界的作用係冷氣~
呢個小魚仙的聲線,好令人不敢恭維
嘻嘻,
粉紅色米妮雪條最靚~
小熊維尼好可愛,攞fast pass 玩係一定的~
然後係好重要的畫畫~ !
職員姐姐畫得有點怪,然後教到全場都畫錯哂LOL
佢話第一步畫個正方形,然後耳仔係角上面
如果真係畫係角上面,維尼就超高額了LOL 根本佢畫了長方形!
所以中途自行畫耳朵在中間罷了
本來第2個目標係搵mary poppin 嫁,點知錯過了~ : (
今次的另一個第一次係第一次搵位坐定睇花車同煙花
因為實在玩哂要玩的了,而且又累
特別鍾意公主的花車,貝兒好笑成條柱咁唔郁得的~lol
睇完花車仲去左好正中的位睇煙花~ 本來我最想睇煙花時城堡上的投影,香港好似2017年頭先有的,係卡通人物的畫面
點知今次右邊壞左,整整下佢索性熄埋左邊-_-
最後一個第一次,第一次著公主裙去
好想好似其他小朋友咁著,但已經唔得了:(((( 而琳小時候冇試過著真係角色造型的公主裙:((((
所以 我特意買了這 purely for 當日的lol
可能品牌公司都知有堆成年人身材的生物依然有屁孩的童心,總係時常妄想自己係公主lol 於是決定推出
呢條我特別看上,因為第一佢唔係完全係任何一個公主的卡通內的造型黎,唔會太似cosplay緊
第2,比較低調地在cutting上有典型公主袖同馬甲位
仲有lace同金邊元素
最重要最重要係有哂幾位公主~
排隊畫畫時後面有位香港女仔小朋友看出了,仲同媽媽講~ 仲話好靚~
琳當然聽在耳內即刻報以微笑,哈哈呢位小朋友有前途!
但我唔明點解有rapunzel而冇最經典的白雪
於是我戴了disney jewel 的白雪係手!!
小
鍾意公主唔代表要做公主,即使要做公主亦唔需要用人地的痛苦同自己的自私行為來換取
卡通內的公主的確係嫁王子住城堡,但亦可以睇成為佢地係搵到真愛而已
任何野之間建基於乜野好flexible,冇咩標準亦唔必然需要存在第3者的評價
只需要待你為公主同視他如王子的二人就係一對活在童話的佳偶
有夢幻的心境都可以係踏實的
因為冇呢種境界又如何有勇氣面對現實?
留言列表