Lamb4ever

看看手機的相，除了自拍就是食物相了。我唔會相機食先的，因為一定係影自己先，再影小匡同自己，之後影埋食物同自己，先輪到食物啦當然~

發現出去食飯時多數都係食日本野。冇特別留意的事前，只係岩食同想食的都是和風的。

之前終於去左築地山貴水產市場。以前一開業入去行下都要排隊，莫講話食野。而家人呢? LOL，香港人大多新屎坑LOL 一早去左一齊逼的太熱血我做唔黎。

其實我不懂什麼叫好吃的，但總知道咩叫唔合我意。而且吃多了多左比較，總會察覺邊一間比較上好吃D～

我不想吃熟蠔，所以冇試

第一次食象拔蚌，很爽口

個d細紋影到哂，好通透刀功很好

總之爽口的我都易接受，一patpat 好滑的要視乎情況lol 

但係我特別中意呢個吞拿魚腩，冇根又夠厚又肥美，不錯喔 

唔知點解對帶子係情有獨鍾的 雖然燒帶子好考功夫唔一定好味，但總會叫黎食~~

帶子肉有第到好食d，但裙邊好味，冇沙又爽。

最抵讚係個湯lol 好有牛油味得黎又鮮，好開心lol

除左帶子，第二情有獨鍾係蜆~

平時覺得佢地就係細細粒好鮮好易好味，所以必點

但係今次呢到的蜆很大，好似其實真係叫大蜆lol 

好大~

有日去左食燒肉之牛太本陣。之前係apm食個間有放題，不過見同小匡有嚴重食唔哂問題，所以今次去呢間不設放題的分店lol

(都係食唔哂lol)

唔知係咪因為冇放題，呢間勁清靜，又裝修唔同，又多日本人

(?) 哈哈，喜歡喜歡，環境很好

不過呢，爐太高

餐廳得4台係坐日式座墊，琳當然會去坐~

首先是帶子，對喔又是它lol

同放題的帶子果然兩個級數

呢一粒係超明顯爽口d唔係一咪軟軟的，而且我燒得太好味lol

我地點了一個生牛肉

麻油味好香濃，肉質冇太恐怖(好似第一次食tartar 式生和牛)

黑毛和牛好多油花又好嫩

好靚喔，但太油，一燒搶哂火勁驚lol

呢幅相下一秒就係烈火雄心了，好驚lol

本以為會過火同太燶，但又冇喔，邊位好脆但肉質又嫩又多汁~~

食完呢個已經飽左，不過仲有呢盤lol 食燒肉總會眼闊肚窄

右邊的兩款部位比較少脂肪，係琳中意的口感。比較多咬口。

左邊的一種真係太多脂肪同油花，最後真係吃不下三塊~

有天看 木下ゆうか Yuka Kinoshita 的片(經常看，很喜歡看她吃完所有lol)，見佢食coco 一番屋的咖哩，於是下午便同媽去吃

哈哈香港真好，很多日本餐廳進駐了喔!

媽媽的炸豬排蛋包飯琳琳的炸雞球蛋包飯

d雞球真係有夠寒酸lol 佢勁細粒放到勁零丁哈哈，一齊放哂一邊會唔會好d

我地食的係一度辣度，木下係食五度喔辣到佢傻哈哈

有一日同友人去食放題，叫平成二十二日本料理

我一睇個名只係好正常地諗到係日本年號，睇openrice d comments先發覺有人解作便宜成點個個 ' 平成 ' 

LOL

二人同行會送海膽一板

琳的海膽初體驗，UM，不喜歡LOL

呢間野整體上好正常，當然好食過佢的餐廳太多

算好好了起碼唔係梅到傻的雪蝦

雞尾翼好味，唉也之後食的炸全翼仲好味，冇影到

蟹粥係完美味精體驗，蟹殼係有的，肉係不見蹤影的

呢到最吸引係orion啤酒同sake任飲

有天食沾麵。由琳以前未發現沾麵的存在，每次都問咦係咪烏冬喔

到而家係我搵沾麵鋪去試喔(yeah~~) 呢次係俺之沾麵專門店

我叫的係豬骨湯底

成日諗有冇日一次過倒哂D麵落去，咁咪變湯麵哈哈

呢度的沾麵算好味過其他食過的地方，麵夠幼質地又彈牙

個湯底夠味，糖心蛋又好靚的流心同好味

腩肉算好滑唔粗鞋

好好喔總的來說~ 落單有得揀小/中/多麵同1/2/3塊肉，今次好叻揀哂中間，總算食得哂

小匡的係黑蒜油

不過，呢間野輪候時間算長，等完位再等食物又係另一輪的寂寞到夜深

好彩好食算佢啦LOL 

好了，有一日自己煎牛排 (總被不同的人說經常出外吃)

於是係吉之島買左好似叫鹿兒島和牛同中島水產的三文魚腩壽司lol 也是離不開的日式

煎得好不錯哈哈

三文魚同魚腩的花紋令人好陶醉~

塊肉超好味，因為我煎的，而且品質有保證

入面粉粉的~其實可以再熟DD

所以，我認真的不太覺有受任何巴西肉影響LOL