Lamb4ever

LOL 天氣頗冷的，所以穿得很似隻糉~ 

那天去了USJ喇~事前於旅行社買了express 4那種，可以有快證玩4種野喔:

1)哈利波特禁忌之旅, 2)蜘蛛俠驚魂歷險記 乘車遊, 3) 大白鯊或 浴火赤子情, 4)侏儸紀公園・乘船遊或魔鬼終結者 2：3-D

事前已決定唔玩 大白鯊同埋侏儸紀公園・乘船遊 ，因為會濕身麻

(何況今日最重要的只是harry potter 啦當然!!)

我地的快證係13:40 先入得去霍格華芝個到的，所以我地周圍行下先

去之前都有做下research 的。聽聞一般人好似會趁USJ 開門前已經排隊，然後又分秒必爭咁跑黎跑去排野玩

網上又有好多排隊攻略，d人又長篇大律打左好多review講邊d野必玩，邊d可以有時間再算

總之搞到成件事打仗咁緊張lol 

其實我地完全冇意慾咁chur，於是個日輕輕鬆鬆慢慢去再亂行lol (我們很不擅長精打細算lol)

(唉唷是榮恩那架車子，玻璃窗被我一指篤碎了~)

一去到就玩左terminator。戲肉之前要站立咁睇少少影片，同埋睇一個演員的獨腳戲，悶到呢-_- (不懂日文而已，或者其實精彩到飛起)

然後好不容易完左呢part 先入另一度睇2d＋3d 的一段野。

我冇睇過terminator，基本上純看視覺效果。也不錯的，但沒什麼特別。

lol 經過商品店又入去亂影一番了。媽咪人扮蜘蛛俠手勢很可愛lol 小匡同爸爸戴的那個芝麻街頭套很傻豬lol

本來去排蜘蛛俠的，點知壞機定咩，全部人唔玩得住lol 園方唯有派任何一種機動的快證比我地lol

除左玩機動，我地仲成日停低玩呢d小攤位lol 很貴但同夾公仔一樣，依舊很欣賞大家出錢出力想攞到我中意的公仔

不過其實真係冇咩可能會中。但係木桶呢個攤位有兩個人中左喔!!!!! 太勁了。因為個波好易彈番出黎 :(

全日最重要的就係去活米村喔!!!!!!!

一見到個城堡就係咁話好靚喔好靚喔LOL 太好了小匡都好鍾意呢度

一路行一路會聽到最最最耳熟能詳個首哈利波特主題曲!!!!! 好夢幻的感覺喔~~~

我全日最期待的是butter beer 同 hello kitty肉包~~ 呢到有beer 喇!

小匡鍾意個杯，但我主要只係想試下咩味 (好甜的cream soda 姐其實係) 飲左一半倒左... 杯子就留念吧

呢到比英國個個靚d 既，始終成大座學校係到。不過london harry potter studio 比較集中多d講套戲的所有野

個到玩的野都唔係好驚好刺激的野，係比你坐支掃帚虛擬扮飛

個到的紀念品都比較多，有好多戲入面勁華麗的導具整左一比一比人買

(妙麗第3集用個個日本都有，但係英國個度仲有埋其他第4集比賽最後個cup定金探子，印象中記得戲有出的個到都有賣，但係超貴)

usj呢個哈利波特禁忌之旅一定要玩啦!!! 成個過程係你坐住架會反黎反去的坐架，4人一架咁睇住前面個畫質非常真的3d畫面，

體驗harry 一至七集最驚險的個幾幕

其實最驚當然唔係場內d假的display (實體大蜘蛛模型，催狂魔)

最恐怖係視覺上飛係海上面同追住金探子的個種錯覺，真係好離心同好似飛緊咁lol

部野其實唔係過山車個d，根本佢郁的幅度不大，係配合了3d畫面令人有錯覺的離心感，令人好驚lol

我全程尖叫，但覺得超正的!!!! 媽咪人竟然話全程冇打開眼睇，但我一直聽住佢叫好驚好驚 (?) 

當日仲玩左浴火赤子情同睇左sherk 個4d野

sherk 係超好睇!!!! disney的米奇幻想曲基本上係冇得比。呢個的畫質清d，4d的效果好多細位唔係為有而有

係跟劇情需要的，所以有錦上添花之效。而且，唔係得離心，仲有馬車的震動感，急停同成群蜘蛛在腳的毛骨悚然感

很捧~!

火個個最後係有一秒驚險既，但係又想到遊客們竟然一齊企哂係到睇屋企廚房煮食隨時都睇到的火焰，其實個舉動都幾好笑

當然現實唔希望體驗到好大場的火災，睇下人地制片點做火場效果係有趣既lol

個日的午餐食這些喔~ hello kitty肉包子同minions 的mochi 真係超得意，mochi 更有驚喜，好好味!!!!

我地六點就走了~ 其實唔確定樂園幾點關lol 明明印象中資料說九點

不過反正已經好累同其實已生厭了(很快?! lol) 比較想回去食晚餐了~~

當晚吃燒肉~~

本身已想好吃酒店附近的一間燒肉了，但又心思思想行左去一間前天見到多人排的燒肉店，點知高估左自己的體力同耐力lol 

去到原來吃吉列牛的，依然很多人，但冇力排了，於是有點氣餒lol

最後看看買了什麼~琳冇買任何野!!! LOL 好厲害!!! 

因為我冇可能係唔買野的，不過又真係唔中意USJ 入面的角色，所以真係冇野想買