有排香港又突然好慶食龍蝦包,不過個陣冇特別興趣。 有次食過sell 龍蝦為主的master kama,感覺麻麻,特別係個通粉用長通粉又硬又乾,龍蝦又唔夠多肉lol (以前 "龍蝦夜" 講過)
今次紀錄下另外三種龍蝦餐。
--------------------------------------------------------------------------------------------------------------------------------------------------------------------
有次去赤柱食左Cali- Mex。其實都係求其入的。
我叫左一個surf and turf 同埋個小食盤
個小食盤有墨西哥粟米片,薯波,腸仔,雞翼同沙律
其實都係好普通同正常的貨色,只係個腸仔真係咸到好難忘。
rare steak 係一定的了,個肉係好味的,加埋海鹽就又太咸
上面個舊龍蝦實在細得可憐lol
不過肉爽口彈牙的,只不過真係太唔夠喉。
不過呢間的賣點唔係龍蝦就不打緊了。
------------------------------------------------------------------------------------------------------------------------------------------------------------------------------------------------
有次去銅鑼灣v-point 的hungry lobster 食。呢間就主打龍蝦的。自然期望多dd。
個蒜容包好味到搶左風頭~
龍蝦湯係一般標準味,冇咩特別,好飲喔~夠濃夠滑夠厚。
呢個龍蝦包個包點牛油好好味!!
好軟好香。入面舊龍蝦鉗係好完整的,只不過又再一次唔夠喉,而且肉質唔夠新鮮。
我地仲點左個龍蝦意粉。呢個意粉真係好好好好好好味。個茄汁味好吸引,又唔過酸又唔係普通茄汁就算,總之我好中意。
不過,太少喇個份量。個龍蝦hea到呢-_- 個頭冇肉的麻大有鬼用。唔夠喉唔夠喉!!!!
--------------------------------------------------------------------------------------------------------------------------------------------------------------------------------------
終於有次食到最冇呃秤的龍蝦了!!!!
呢間the hub 主打原隻龍蝦。
我地叫左一個surf and turf set (again~)同埋一個香蒜龍蝦意粉。
龍蝦我地揀左牛油。原隻係最完美的。真係啖啖肉,食龍蝦可以食到飽,唔洗再就住就住你一啖我一半咁!!!!!
而且,真係好爽好嫩完全係值得的感覺~~ 已經好少仲覺得個店主咁有良心lol (何況佢已有賺,諗到咁就覺得好多店都好人渣。)
d薯條都好好食。
除左煩d要自己搣殼外,呢間野的龍蝦無得輸,性價比好合理。
個日見格離的人叫左隻燒的好似麻麻地,切定上的。燒得乾乾地,都係牛油穩陣~因為牛油另上的,原隻蒸個肉質真係好多汁。
不過個肉就麻麻了,太熟太鞋。
個意粉下面再講,因為太好味我地父親節都去左個度食~~~
今次試埋呢度的龍蝦湯,都係好標準冇咩差錯~不過有明顯龍蝦肉係入面,大大粒完全冇hea人嫁。
呢個就係上次都有叫的意粉,其實for飽肚用途係好的,始終食龍蝦冇食意粉咁飽肚。不過呢個意粉有點乾,蒜味唔夠香。唯獨是同個湯一樣入面有好好好好足的龍蝦肉
夾埋一堆分分鐘多過其他比個尾你的餐廳
真係食到會剩番肉lol 最有誠意的係放湯放麵的龍蝦肉都爽!
呢個buffalo雞翼d汁好好味~雞翼總係一定好味!!
個日叫左兩個牛油龍蝦set,2個人一齊share一個岩岩好
其他點好味唔多講一次了,值得一提係佢水準完全keep 到,同埋個粟米真係好好味好甜好新鮮lol
媽咪傻瓜~
留言列表