Lamb4ever

呢間野叫嘉門鐵板燒。

如果冬天會有露天位比人一路睇靚景一路食的，而家就關左，而個日又落雨，所以個景就失色左DD~

呢間野係28樓的，而且唔係臨海，所以個景係比不上其地更高更屈機的餐廳的。不過呢度的野食同細節位絕對冇得輸~

場內其實勁少位，當然其實客很少，成個bar 枱得一家人，窗邊位得我地同另外兩家人

成間野裝修好有氣派同時尚感，感覺唔到係食緊鐵板燒

我地叫左兩個set，一個海鮮一個A5和牛

呢個沙律的醬超級酸澀LOL

我諗係用黎反襯後來的食物有幾出色

呢個燉蛋開始顯功架了

個蛋超級滑，味好鮮因為入面好似有海鮮類但唔知係咩LOL 乾貝? 上湯味好吸引

之後呢個鮑魚真係畫咁靚。

呢度用咩碟同點樣放食物，以至用咩色的配菜都好明顯有用心同用腦諗過

店主完全唔想hea 人同侮辱自己智慧同身份，店主果然係有質素的。

呢個鮑魚好軟，火喉完全岩岩好

本身我地冇點食旁邊的海草，呀經理行過黎慢慢解釋係咩黎同埋話對降血脂好有幫助之類

其實冇咩味的，係爽爽地咁。佢咁叫到好難唔象徵式食下，LOL 但係欣賞的係店員的用心

佢地咁肯行多步同客人互動下，一定係店長有做功課的其實LOL 

。呢度會將好基本的野放大，例如令你唔洗食得急，野食逐樣等你食完一樣再慢慢上另一樣，感覺好好，水會幫你時刻裝到完全冇察覺到有飲過的痕跡(時後發現水很貴LOL 對，要收大概出面兩個快餐的錢)，會講一講你正在吃的有何特別 之類

每台人都有好充裕的空間感，去廁所有人提醒有兩級樓梯要小心之類

係香港呢個扭曲的社會，呢D基本攞個心出黎做飲食，想食客滿足有基本合理service的地方已經變成要用錢換

想唔洗多人等位，想唔洗急住交還枱比佢做下一輪生意的地方亦係要用錢換

連最簡單食材方面的處理，例如比足時間d 蜆吐沙先好煮比人食已經唔算基本，直頭係常識同埋一間攞左牌照出黎做飲食的人必須知的事都變成奢求時

lol 冇希望了

另一道係大蝦同帶子lol (帶子again again again and again)

佢話食帶子先再食蝦，蝦可以點旁邊的松露醬食

然後琳點左碟上黑色個3條碟的花紋以為係黑松露lol 屁孩去到邊始終如一，然後大笑

A5和牛好滑好有肉汁又唔過份油，外脆內軟呢真係，點埋鹽一流

生熟比例完美

右邊個個牛卷係超級軟，一咬就會利落地斷，冇筋。入面的餡仲好惹味~

真係每個容器有諗過的LOL

簡陋的炒野菜係呢刻被其他太完美的野拉高番質素

呢個碗真係好靚LOL 同個和牛粒炒飯夾埋一齊好歡樂~

尾聲開始飲熱茶，勁溫和冇苦澀，而且個味噌湯有大蜆超好味!!!

就係我所講的冇沙蜆LOL

最後呢件柑桔芝士蛋糕好美滿

用心地將碟都雪藏埋其實食客會留意到

食左兩個鐘

----------------------------------------------------------------------------------------------------------------------------------------------------------------------------------------------------

呢間叫E-Pai teppan yakitori 一杯 · 鐵板燒居酒屋。入面裝修扮居酒屋既，算係特別既~

今次當然又點了燒鮮帶子。本身都唔知自己的喜好，但睇番每次出外用餐有帶子都會叫的時候就知原來自己好中意食LOL

呢個鮮帶子貴過急凍好幾倍但好味幾百倍的，好爽而中心有點軟滑，冇燒過火~

個汁好濃，超好味

之後係一碟吞拿魚刺生

好味的，但原來會好飽LOL 而且可能唔係全生而係燒過的關係，外層有點熟，像吃一魚一般。略厭唔夠滑同油脂(?)

燒雞翼一般冇死的了，一定好味

呢10件壽司原來睇落好少，但夾埋之前的野原來係會食唔哂LOL

有一件海膽，然後琳撥走了一大層後吃了下面的飯LOL

但又唔想令人察覺我地冇食，於是琳好認真咁講: 不如塞D海膽入個蝦頭度?

但其實呢個諗法係經過精密思考的LOL 海膽似蝦膏麻，而且蝦頭就係會唔食剩係到的麻~

(BY 經常食剩一半而且眼闊肚窄，但又怕人地目光的琳)

呢個係琳一心黎食呢間的原因

點知關西燒同我想食的大阪燒有分別啦，雖然質感好Q彈帶點咬口，燒汁同蛋黃沙律醬好味，但實在好飽LOL

-----------------------------------------------------------------------------------------------------------------------------------------------------------------------------------------------