Lamb4ever

不嬲都對燒海鮮好有興趣，唔知點解LOL 

第一次係香港食係去焱丸水產的，呢間唔錯有人幫手燒而且好味~

話說之後有次去食一間叫'尚鮮日式燒肉漁市場' 的垃圾，儘管網上評價唔錯，有網紅之類的人錄哂片點讚都好，個人認為佢依然係一間垃圾。

因為真係好唔新鮮同其他肉類好低質，但係唔係算平麻價錢。好伏。

一直想食御前大江户的，但電話打極唔通，通過一次又超級串，態度奇差。LOL，係喇係喇多人食麻我唔去就好了。

今次去試了秋田浜燒食堂 Akita Hamayaki。一入去先知好大間下。

LIKE 同SHARE 佢FB page就可以玩一手蝦喔~

本身以為呢D宣傳野玩下就算，對D蝦冇咩期望

兩隻拎去燒

三隻拎去生食

佢有人幫你燒，我發覺呢點太重要。因為之後就可以輕鬆地等食，又唔驚唔識燒，又唔怕好手忙腳亂~

D蝦燒完肉質超似龍蝦，好神奇。不過有點痴殼。

生食的好好，佢地會幫你拎入去處理好先上菜，搣好哂殼的。好爽好中意~~ 新鮮的感覺~

我地點了龍蝦同蟹的set，先來一個煙燻雞沙律

雞不是全熟，但似魚生，好味冇異樣 (本身都有d驚lol) 日式沙律真係好好味，好中意d醋同芝麻醬!!

之後就係清酒煮蜆~ 哎也，怎麼蜆不是燒的

雖然都好味，蜆肉好嫩，唔會好死實同乾爭爭，湯係超級甜，好好味!

不過吃到有沙的，呢間都係逃不過這馬虎之過喔~

噢噢噢，之後黎呢個大盤盤活海鮮喔~~~

你看到有幾多樣嗎~下面慢慢逐樣燒~~~不過我唔記得個牛油同海膽撈左去邊到了~嘻嘻

旁邊的這花花同錫紙最後才吃到~

首先燒大蜆同腸仔

腸仔好搶鏡，因為好唔啦間，但係!! 超!級!好!味!!!!!!!!!!!!!!!!!!!!!!!!!!!! 好多汁，唔係一般豬肉腸，好實在的唔知咩腸，唔係散散的豬肉或雞肉腸

好好味真係LOL 

之後呢個係大扇貝

好細心喔佢地燒燒下會拎番入去清洗同剪開，變成下圖咁樣~

呢個扇貝係我第一次食過最爽最嫩的扇貝

雖然一定係撞手神，好少何整帶子係會火喉剛好，太幸運了~

龍蝦呢，係一路郁一路燒，不太人道但反正食咩都係慢慢煮熟的啦~ (誤)

由腳開始變橙色到完全熟，再用火槍 (可能我是變態，所以很愛活燒海鮮LOL 今次冇鮑魚好失色呢，睇唔到佢地邊燒邊高速蠕動!)

好可惜，龍蝦老了一點

前面的野太好味，少少失手都會好覺的了~ 

差不多尾聲了，食松葉蟹喇!!!!蟹好好味，非常多肉又滑，好鮮

唉也，未食完已經掛住餐飯-_- 嗚

甲羅燒喔~~~ 好中意食呢個

平日都唔食蟹膏的了，但甲羅燒係例外的喔，佢加左蟹肉，蟹子同鵪鶉蛋一齊撈喔撈地燒

好滿足~ T^T 

格離的花花餅係用黎裝住蟹膏食的，好得意

食到呢個時候心情好到食左咩都好味的了

但係!!!! 呢個雜菌係真心好味LOL 原來一開始的錫紙係包住呢D菇喔!!! 好中意食大烤菇，切開哂的一樣好味

最後最後係三文魚飯團，三文魚熟哂的變一絲絲的混入飯團。

食到呢到唔會超飽，仲有空間食埋個飯團。最後就完全滿足了!!!!