Lamb4ever

那天突然好想打邊爐，於是去了大圍呢間616去淥一淥~

呢間野唔同個D放題式餐廳，可供選擇的食物唔多，得牛。但係就係好多你食過都未必識的部位喔!

一入到去先知間野裝修得好懷舊

餐墊上就印好了每部份的名同大概要淥幾耐時間，好細心喔

我地叫左一set 的這個，咩都有的。不過就算用上面幅圖對照住食都會分唔清自己食左咩

大概呢，得封門柳，熟牛腩，牛腩心，黑柏葉，雙層腩，挽手腩個d好食，

其他位冇乜膏所以會鞋。

好得意呢用番呢種盤去放不同部位。

餐墊冇講但實物有的係牛骨髓，牛丸同一d唔sure叫咩但好似根部淥完似硬d的花膠的物體。 (右下角那種)

牛骨髓好恐怖，唔敢食lol

有d部位因為數量少，所以每兩人只可點個幾樣的其中一種。

我地揀左封門柳。 

一直以為叫封梅柳，都是聽媽媽買餸學的，原來係封門柳-_-

呢到的牛唔同雪到好冰個d雪花肥牛，佢地係新鮮本地牛肉喔好似

食落係有明顯分明，冇咁肥冇咁軟，多d肉味但唔鞋的。

呢度冇好多野揀，得牛同菜，丸就得牛丸

不過呢度的牛丸真係超級好味，同平時食的有非常大分別

係好實在的一粒牛肉丸，平時個d係一粒粉同似牛丸味的波lol

個湯底係牛骨煲的，有一堆堆湯渣，好實在

我地兩個又唔多食得哂了，但呢度的邊爐同食開的好唔同，值得一試既

如果覺得平時放題定涮涮鍋的好似好假，多味精又好似好化學濟feel，呢間會冇呢d感覺

不過個人比較中意放題lolllollololl 

比較掛住好薄又多油花的肥牛，仲有咩都有的感覺，仲有雪條!! 仲有任飲的汽水，仲有d完全唔啦奸但放題有的炸物同刺身

^u^ 放題開心d，每款黎dd但可以試好多野，狂畫紙狂點開心d